من أكثر الحاجات اللي ممكن تدهشك فعلاً في البتكوين أنها ما تستخدم الرصيد أو الحسابات بالطريقة اللي متعودين عليها.
بدال ما يقول النظام محمد عنده 2 BTC، يروح يستخدم مبدأ عبقري اسمه UTXO - Unspent Transaction Output (مخرجات المعاملات غير المصروفة).
كيف ؟ كل مرة تستقبل فيها بتكوين، أنت ما تستقبل رصيد بل تستقبل وحدة كاملة مستقلة من البتكوين، اسمها UTXO.
فرضًا أنت تريد ترسل لأي شخص 1 BTC. وأنت معاك بمحفظتك 10 BTC.
بناء على هذا المبدأ اللي ماشية عليه البتكوين أنت ما تقدر ترسل للشخص ذا 1 BTC. إنما لازم تصرفها كلها وتسوي معاملة جديدة فيها: 1 BTC للشخص المرسل له والباقي اللي هو. 9 BTC يرجع لك كـ UTXO جديد.
لو نأخذ مثال واقعي أكثر تخيل عندك عملة من فئة 100 ريال، وتريد تشتري شيء بـ 30 ريال. فأنت بتروح تعطي البائع 100 كاملة. وهو ياخذ 30 ويرجع لك 70 كعملة جديدة مستقلة. نفس الشيء يصير في البتكوين بالضبط.
طيب ليش هذا التصميم ؟ بناء على الفلسفة القائمة عليها البتكوين هذا التصميم وجد عشان يسهل التحقق من صحة كل معاملة بشكل بسيط وتقدر تعرف هل الـ UTXO انصرف من قبل ولا لا. ويسمح بتنفيذ المعاملات بشكل متوازي بمعنى أنه ما تحتاج تعمل عمليات حسابية دائن ومدين (زي اللي نسويها في الأنظمة البنكية الحالية) عشان تعرف رصيد المحفظة بالإضافة إلى يدعم الخصوصية لأنك تقدر تستخدم عنوان جديد لكل UTXO.
البتكوين مش بس عملة رقمية بقدر ماهو نظام مالي ذكي ومبني على مبادئ قوية عبقرية وبسيطة في نفس الوقت.
#fintech #cryptocurrency
Original source
This content was originally published as a LinkedIn post. Open it in a new tab.