لو أنت داخل سوق الفنتك السعودي في جهتين لازم تفهم دورهم قبل ما تبدأ
أولاً Capital Market Authority هيئة السوق المالية (CMA ) الجهة ذي مسؤولة عن تنظيم وإصدار التراخيص للشركات اللي تشتغل في مجال إدارة الاستثمارات والأصول. يعني لو تطبيقك يقدم خدمات زي Robo Advisory، التداول، إدارة المحافظ، الصناديق الاستثمارية… فأنت تحت مظلة CMA. طبعاً دور الهيئة هنا مو بس إصدار الترخيص لكن التأكد إن عندك حوكمة قوية، سياسات امتثال واضحة، حماية للمستثمرين، وإفصاح كامل عن المنتجات المالية اللي تقدمها. وتطلب منك تقارير دورية عن أداء المؤسسة ورأس المال والأصوال تحت إدارة المؤسسة.
ثانياً Saudi Central Bank – SAMA البنك المركزي السعودي هذه الجهة مسؤولة عن تنظيم وإصدار التراخيص لكل الشركات اللي تشتغل في المدفوعات والخدمات المالية غير الاستثمارية. يعني لو تطبيقك يقدم محافظ إلكترونية، بوابات دفع، BNPL (اشتر الآن وادفع لاحقاً)، تحويلات مالية، بطاقات مسبقة الدفع أو رقمية… فأنت تحت إشراف ساما. وهنا التركيز الأساسي يكون على الأمان السيبراني، كفاية رأس المال، حماية بيانات العملاء، وضمان استقرار البنية التحتية للمدفوعات. وطبعاً في إطار عمل متكامل فيه متطلبات الأمن السيبراني للمؤسسة المالية ما تقدر تأخذ الرخصة بدون تطبيق المعايير المطلوبة.
اللي لازم تعرفه إن وجود جهتين منظمتين بهذا الشكل يعطي توازن واضح للسوق. ف CMA تركز على الاستثمار والثقة في الأسواق. بينما SAMA يركز على الاستقرار المالي والأمان في المدفوعات.
بهذا الفصل بين المسؤوليات لكل جهة صار عندنا منظومة متكاملة ومنظمة تنظم تقريبا كل جوانب الفنتك. والفرصة قدام أي شركة ناشئة إنها تبني على هذا الأساس وتطلق منتجات جديدة بثقة إن السوق منظم وواضح.
Original source
This content was originally published as a LinkedIn post. Open it in a new tab.